An chaoi a n-eagraíonn Cuardach Google faisnéis
Nuair a dhéanann tú cuardach, féachann Google trí na céadta billiún leathanach gréasáin agus ábhar digiteach eile a eagraítear inár n-innéacs Cuardaigh chun faisnéis úsáideach a fháil – níos mó faisnéise ná leabharlanna uile an domhain.
Faisnéis a aimsiú trí ransú
Ábhar a shórtáil agus a eagrú
Clúdaíonn an t-innéacs Cuardaigh Google na céadta billiún leathanach gréasáin agus tá sé níos mó ná 100,000,000 gigibheart ó thaobh méide de. Is ar nós an innéacs i gcúl leabhair é – ina bhfuil iontráil do gach focal atá le feiceáil ar gach leathanach gréasáin ar a ndéanaimid innéacsú.
Ní ghlacann Google le híocaíochtaí riamh chun ransú níos minice a dhéanamh ar shuíomh – cuirimid na huirlisí céanna ar fáil do gach suíomh gréasáin chun na torthaí is fearr a chinntiú dár n-úsáideoirí.
Faisnéis nua a phróiseáil an t-am ar fad
De bharr go bhfuil an Gréasán agus ábhar eile ag athrú an t-am ar fad, bíonn ár bpróisis ransaithe ag rith i gcónaí chun coinneáil ar an eolas. Foghlaimíonn siad cé chomh minic agus a athraíonn ábhar a chonaic siad cheana féin agus tugann siad cuairt air arís mar is gá. Tagann siad ar ábhar nua chomh maith de réir mar a thagann na leathanaigh nó an fhaisnéis sin anuas.
Chomh maith leis sin, soláthraíonn Google foireann uirlisí gan chostas darb ainm Search Console ar féidir le cruthaitheoirí í a úsáid chun cabhrú linn ransú níos fearr a dhéanamh ar a n-ábhar. Is féidir le cruthaitheoirí úsáid a bhaint freisin as caighdeáin bhunaithe amhail mapaí suímh nó robots.txt.
Ní ghlacann Google le híocaíochtaí riamh chun ransú níos minice a dhéanamh ar shuíomh – cuirimid na huirlisí céanna ar fáil do gach suíomh gréasáin chun na torthaí is fearr a chinntiú dár n-úsáideoirí.
Innéacsú a dhéanamh ar níos mó ná leathanaigh ghréasáin
Go deimhin, tá innéacsanna iolracha againn de chineálacha faisnéise éagsúla, a bhailítear trí ransú, trí chomhpháirtíochtaí, trí fhothaí sonraí a seoltar chugainn agus trínár gciclipéid fíricí féin, an Knowledge Graph.
Ciallaíonn na hinnéacsanna iomadúla sin gur féidir leat cuardach a dhéanamh laistigh de mhilliúin leabhar ó phríomhleabharlanna, amanna taistil a aimsiú ó do ghníomhaireacht iompair phoiblí áitiúil nó sonraí a aimsiú ó fhoinsí poiblí amhail an Banc Domhanda.
