Jump to Content

Turscar a bhrath chun torthaí ábhartha agus iontaofa a thabhairt duit

Déanann Google infheistíocht i gcórais chun a chinntiú nach ndéanann suíomhanna dul chun cinn i dtorthaí Cuardaigh trí iompar mealltach nó ionramhálach. Tá sé sin fíorthábhachtach mar gur féidir le suíomhanna turscair dochar a dhéanamh do dhaoine nó iad a chur amú.

Léaráid de bheirt ag clóscríobh ar a gcuid gléasanna féin, ag úsáid Cuardach Google.

An chaoi a gcoinníonn Google thú slán ar Chuardach

Aimsíonn ár gcórais 40 billiún leathanach turscair gach lá.

An fáth a dtugaimid aghaidh ar thurscar

Déanann suíomhanna turscair iarracht dul sa seans chun a bheith ag barr na dtorthaí Cuardaigh trí theicnící éagsúla amhail eochairfhocail a úsáid arís is arís eile nó ábhar Google atá éagsúil ón méid a fheiceann úsáideoirí a thaispeáint (rud ar a dtugtar "folú"). Uaireanta, téann haiceálaithe isteach i suíomhanna dlisteanacha agus déanann siad iad a athrú ina suíomhanna turscair a d'fhéadfadh daoine a atreorú chuig camscéimeanna nó níos measa.

An chaoi a spriocdhírímid ar thurscar

Tá treoirlínte soiléire againn maidir le haghaidh a thabhairt ar iompar turscair, treoirlínte a sholáthraíonn próiseas soiléir freisin chun baint ábhair a achomharc agus sáruithe réitithe.

  • Brath uathoibrithe

    Is féidir lenár gcórais uathoibrithe formhór an turscair a bhrath agus é a choinneáil amach ó na torthaí Cuardaigh is fearr leat, amhail an chaoi a gcoinníonn dea-chóras ríomhphoist turscar amach ó do bhosca isteach.

  • Athbhreithniú de láimh

    Ar bhfoireann bainte turscair a dhéanann leathnaigh a athbhreithniú agus bratach a chur leo má sháraíonn siad na polasaithe turscair, tugann sí aghaidh de láimh ar an gcuid eile den turscar. Nuair a dhéanaimid gníomh de láimh ar ábhar, déanaimid iarracht an cruthaitheoir a chur ar an eolas chun cabhrú leis/léi dul i ngleic le fadhbanna.

  • Iarratais athmhachnaimh

    Nuair a leigheasfar an fhadhb, is féidir le cruthaitheoir a (h)ábhar a chur isteach le haghaidh athmhachnaimh. Déanaimid próiseáil ar gach iarratas athmhachnaimh a fhaighimid.

  • For-rochtain úinéara

    Teastaíonn uainn go mbeadh an fhaisnéis ag úinéirí suímh atá ag teastáil uathu chun a suíomhanna a chur in oiriúint. Sin an fáth gur infheistíomar acmhainní suntasacha le himeacht ama i gcumarsáid agus i bhfor-rochtain le haghaidh cruthaitheoirí.

Torthaí Cuardaigh a chosaint

Colláis íomhánna a thaispeánann Google ag déanamh seiceáil uathoibríoch ar thorthaí Cuardaigh.

Trédhearcacht agus slándáil

Is dúshlán laethúil é aghaidh a thabhairt ar thurscar chun do thorthaí a choinneáil sábháilte agus úsáideach. Teastaíonn uainn a bheith trédhearcach faoin gcaoi a n-oibríonn Cuardach, ach ní mór dúinn a bheith cúramach chomh maith gan an iomarca sonraí a nochtadh a ligfeadh do dhaoine dul sa seans ar ár dtorthaí cuardaigh agus an t-eispéireas a ísliú do gach duine.

Ba dhaor a d'fhoghlaimíomar an ceacht sin. Thiar in 1999, d'fhoilsigh bunaitheoirí Google páipéar ceannródaíoch ar PageRank, nuálaíocht an-tábhachtach in algartam Google. Nuair a foilsíodh an páipéar sin, rinne seoltóirí turscair iarracht dul sa seans ar Google trína chéile a íoc as naisc.
Colláis íomhánna a thaispeánann duine ag aimsiú toradh slán agus ábhartha

Teicneolaíocht atá ag athrú de réir a chéile

Is uirlis chumhachtach é Cuardach. Cabhraíonn sé le daoine saibhreas iontach ábhair a aimsiú, a chomhroinnt agus rochtain a fháil air, beag beann ar an gcaoi ina nascann siad nó an áit ina bhfuil siad lonnaithe. Oibrímid go dian chun a chinntiú go bhfeiceann tú torthaí Cuardaigh ardchaighdeáin agus nach turscar atá ann.

Cuirimid feabhas i gcónaí ar ár dteicneolaíocht a thugann aghaidh ar thurscar agus leanfaimid ar aghaidh ag obair go dlúth le stiúrthóirí gréasáin agus le daoine eile chun éiceachóras gréasáin ar ardchaighdeán a chothú agus a thacú.

Aimsigh tuilleadh