Jump to Content

Kif jaħdmu r-reklami fuq Google Search

Dejjem emminna li hu importanti li kulħadd - irrispettivament minn kemm jaqla' u kemm studja - ikollu aċċess għall-aqwa informazzjoni. Ir-reklami jgħinuna nagħmlu dan billi noħolqu konnessjoni bejn in-nies u n-negozji li joffru l-prodotti u s-servizzi li jistgħu jkunu qed ifittxu.
In-negozji jistgħu jirreklamaw fuq taqsimiet tar-reklami eliġibbli u mmarkati b'mod ċar. Iżda, billi nbigħu biss spazju għar-reklami, ħadd ma jista' jixtri pożizzjoni aħjar fir-riżultati organiċi ta' Search.

Google tuża r-reklami biex iżżomm Search b'xejn għal kulħadd, tgħaqqad lin-nies ma' prodotti utli, u ssostni lin-negozji.

Google Search għaliex fiha r-reklami?

Kif ir-reklami jappoġġaw lil Search

Dilettant juri xogħlu waqt li jxandar direttament mill-ismartphone tiegħu.

Ir-reklami jagħmluha possibbli li Search tibqa' aċċessibbli għal kulħadd

Ir-reklami huma l-mod kif Search tibqa' aċċessibbli għal kulħadd mingħajr ħlas. Ir-reklami huma wkoll il-mod kif issir taf il-prodotti u n-negozji li jinteressawk.

Ir-reklami jintwerew biss jekk nemmnu li jkunu l-aktar rilevanti għat-termini tat-tiftix li int tkun daħħalt. Għall-maġġoranza tat-tfittxijiet, ma nuru l-ebda reklam. Meta nuru reklami, dejjem ikunu mmarkati sabiex tkun tista' tagħrafhom mir-riżultati tat-tfittxija.
Żewġ impjegati ta' ħanut tal-merċa f'konverżazzjoni maġenb xkafef ta' ikel tal-landa.

In-negozji jiddependu fuq ir-reklami diġitali

Ir-reklami fuq Search jagħtu s-setgħa lin-negozji - kbar u żgħar - biex isibu l-klijenti u saħansitra jidħlu f'kuntatt ma' oħrajn ġodda u eżistenti. In-negozji, il-ħallieqa, il-pubblikaturi, u r-reklamaturi jiddependu fuq ir-reklami diġitali biex jikkompetu, jikbru u jagħmlu l-qligħ online. U jappoġġjaw l-aċċess għall-informazzjoni u l-kontenut għan-nies madwar id-dinja mingħajr spejjeż jew bi spejjeż minimi.

Il-fatt li jistgħu jiltaqgħu mal-konsumaturi online, fejn diġà jqattgħu l-ħin, jipprovdi soluzzjoni effettiva u affordabbli għan-negozji biex jikkummerċjalizzaw dak li joffru. Qatt ma kien hemm mod iktar effiċjenti mir-reklamar diġitali li bih ir-reklamaturi jistgħu jidħlu f'kuntatt mal-massa tal-klijenti.

Fl-2022, l-għodod tar-reklamar ta' Google Search, Google Play, Google Cloud, YouTube, u Google għenu biex jiġu pprovduti $701 biljun f'attività ekonomika għal miljuni ta' negozji, organizzazzjonijiet mingħajr skop ta' qligħ, pubblikaturi, ħallieqa u żviluppaturi fl-Istati Uniti tal-Amerka.

La r-reklamaturi, la s-sħab u lanqas kull min ikollu relazzjoni finanzjarja ma' Google ma jingħata xi vantaġġ jew trattament speċjali fir-riżultati ta' Search. Ma jingħatawx spinta fil-klassifikazzjoni. Jekk ikollhom problema, iridu jużaw l-istess għodod u riżorsi mingħajr ħlas li aħna nipprovdu lil kulħadd.

Lil ħadd ma nitolbu flus biex jidher fl-indiċi tat-tiftix tagħna. Il-fatt li negozju, individwu jew organizzazzjoni jixtru r-reklami mhuwiex fattur fl-algoritmi ta' Search tagħna. Qatt ma nagħtu trattament speċjali lir-reklamaturi f'kif l-algoritmi ta' Search tagħna jikklassifikaw is-siti web tagħhom, u ħadd ma jista' jħallasna biex nagħmlu dan.

Sir af aktar dwar

Inżommu t-trasparenza bir-reklami

Illustrazzjoni li turi żewġ persuni u kelb jassenjaw tikketti għar-reklami u jindikaw iċ-Ċentru ta' Trasparenza tar-Reklami
Meta tuża Google Search biex tinnaviga l-web, jistgħu jidhru reklami mar-riżultati tat-tiftixa tiegħek. Aħna naħsbu li hu importanti li nkunu trasparenti dwar ir-reklami, u din hi r-raġuni għaliex nagħmluha faċli li tiddistingwihom mill-bqija tar-riżultati fuq il-paġna billi nimmarkawhom b'mod ċar. Fuq Search, dejjem tista' ssir taf aktar dwar min ikun il-moħħ wara r-reklami li tara, u għaliex tkun qed tarahom.

Iċ-Ċentru tat-Trasparenza tar-Reklami hu hub li fih jistgħu jsiru tfittxijiet dwar ir-reklami kollha - inklużi r-reklami fuq Search - li jintwerew minn reklamaturi vverifikati. Dan il-punt uniku ta' servizz tfassal skont il-ħtiġijiet tiegħek bħala utent, billi żgurajna li jkollok aċċess faċli għall-informazzjoni dwar ir-reklami li tara fuq Search.

Ċentru tat-Trasparenza tar-Reklami

Agħżel l-esperjenza tar-reklami li hi dik li tgħodd għalik fuq Search

Immaġni wieqfa mill-vidjow ta' YouTube dwar iċ-Ċentru tar-Reklami Tiegħi ta' Google.

Ir-reklami tiegħek, l-għażla tiegħek

Iċ-Ċentru tar-Reklami Tiegħi jagħmilhielek faċli biex tifhem u tikkontrolla kif tintuża l-informazzjoni tiegħek biex jiġu ppersonalizzati r-reklami fuq Search u YouTube. Qatt mhu se jkollok bżonn tqatta' l-ħin tfittex il-kontroll it-tajjeb jew tiddeċifra kif qed tintuża l-informazzjoni tiegħek. Minflok, tista' timmaniġġja l-preferenzi tar-reklami tiegħek mingħajr ma twaqqaf dak li tkun qed tagħmel online.

Jista' jkun hemm ċerti suġġetti tar-reklami li ma jkollokx bżonn tinteraġixxi magħhom affattu. Biċ-Ċentru tar-Reklami Tiegħi, int tista' tagħżel li tillimita r-reklami relatati ma' suġġetti bħall-alkoħol, id-dating, it-telf tal-piż, il-logħob tal-azzard, it-tqala, u l-ħajja ta' ġenitur.

Tista' wkoll titfi l-personalizzazzjoni tar-reklami għalkollox. Xorta se tara r-reklami, iżda tista' ssibhom anqas rilevanti jew utli.

Iċ-Ċentru tar-Reklami Tiegħi

Reklami li jirrispettaw il-privatezza tiegħek

Illustrazzjoni ta' diversi reklami fuq Search protetti b'tarka blu kbira.
Il-ħarsien tal-privatezza tiegħek u s-sigurtà tad-dejta tiegħek huma ċentrali għall-ħidma ta' Google. Din hi r-raġuni għaliex il-prodotti ta' Google kontinwament ikunu protetti b'waħda mill-aktar infrastrutturi tas-sigurtà avvanzati fid-dinja. Din is-sigurtà inkorporata tgħin fid-detezzjoni u fil-prevenzjoni tat-theddidiet online li dejjem jevolvu, inklużi scams u tentattivi biex tinkiseb informazzjoni personali permezz ta' reklami frawdolenti, biex tgħin fiż-żamma tal-informazzjoni tiegħek sikura.

Barra minn hekk, biex ngħinu fiż-żamma tas-sikurezza tiegħek, nivverifikaw lir-reklamaturi f'livell globali u naħdmu biex nidentifikaw lil dawk b'intenzjonijiet ħżiena u nillimitaw it-tentattivi tagħhom li jirrappreżentaw lilhom infushom b'mod qarrieqi.

Ċentru tas-Sikurezza

Dan hu kif il-prinċipji tal-privatezza ta' Google japplikaw għar-reklami fuq Search

  • Qatt ma nbigħu l-informazzjoni personali tiegħek lil xi ħadd

  • Aħna trasparenti dwar x'dejta niġbru u għaliex

  • Nagħmluhielek faċli biex tikkontrolla l-informazzjoni personali tiegħek

  • Innaqqsu d-dejta li nużaw biex inkomplu nħarsu l-privatezza tiegħek

  • Nipproteġuk billi nibnu prodotti li huma siguri sa mid-disinn tagħhom

  • Aħna nibnu teknoloġiji avvanzati tal-privatezza u naqsmuhom ma' oħrajn

Skopri aktar