Permanece alerta fronte ás prácticas abusivas e estafas

Desconfía das persoas que te visiten ou contacten contigo e que se presenten como empregadas de Google para ofrecerche varios tipos de asistencia e actualizacións de datos ou de imaxes de todo tipo. Queremos deixar claro que estas empresas non están autorizadas a falar en nome de Google e teñen a obriga de presentarse como contratistas independentes.

Recomendamos que ignores calquera persoa que contacte contigo e se presente directamente en nome de Google polo motivo que sexa; referímonos a casos como os que se mencionan a continuación:

• Ofrecen servizos ou formación en nome de Google, métricas, medios dixitais, informes sobre tendencias dixitais ou sobre novas plataformas dixitais ou tendencias do mercado, consellos sobre medios etc.
• Realizan promesas que son incompatibles co funcionamento habitual dos servizos de Google, como garantir un espazo publicitario destacado na Busca, en Google Street View ou en Google Maps;
• Recibes presións como parte contratante mediante chamadas de telemárketing continuas ou ameázante con quitar contido das plataformas de Google.

Cómpre sinalar que Google non ten fotógrafos nin axencias no seu cadro de persoal. Estes profesionais forman parte de entidades independentes e todas as negociacións lévanse a cabo sen que Google participe ou interfira nelas.

A seguranza dos nosos usuarios é moi importante para nós. Por este motivo, restrinximos o uso das marcas e plataformas de Google. Ningunha entidade ten autorización para:

• Usar a marca de Google (por exemplo, a icona, o selo ou o logotipo de Street View) nos seus vehículos de empresa;
• Usar as marcas de Google, Google Maps e Street View ou outras marcas rexistradas de Google nin nada semellante no seu nome de dominio;
• Usar as marcas de Google, Google Maps e Street View ou outras marcas rexistradas de Google nin nada semellante en prendas de roupa (uniformes etc.);
• Usar as marcas de Google, Google Maps e Street View ou outras marcas rexistradas de Google nin nada semellante no seu perfil de empresa en Google;
• Usar calquera marca rexistrada de Google de forma que se dea a entender que Google recomenda un produto ou servizo específico.