Street View-rekin Zanzibarko komunitate lokalak ahalduntzea

Hazkundea elkarrekin lortzea

Ez da erraza mapak eskalan sortzea. WT360-ko taldea Zanzibarko Estatu Unibertsitateko hamabi ikasle boluntariorekin elkartu zen Unguja uharte ederraren mapa sortzeko. Federico, Nickolay eta Chrisen trebeziaz lagunduta, 1.700 kilometroren irudiak atera zituzten.

Zanzibar garatu ahala, Federicoren taldeak erregularki freskatzen ditu bertako kaleetako 360°-ko irudiak, azpiegituren garapena ahalbidetzeko eta herrialdera bisitari berriak erakartzeko.

360°-ko irudiekin enpresak mundu osoan sustatzea

Aurten, iparraldean dagoen Pemba uhartea esploratzen hasi zen Federico. Federicok eta Ibrahim Khalidek (ikasle boluntario ohia) nahikoa izan zituzten sei egun 500 kilometroren irudiak eta airetiko 40 panorama sortzeko. Jarraian, Google Maps-era kargatu zituzten Street View Studio erabilita.

Erakargarri turistikoen, ondasun historikoko guneen, hotelen eta enpresen irudi zehatzak zituztenez, National Global Tour of Zanzibar (Zanzibarko txango nazional orokorra) sortu ahal izan zuten. Bizkor handitzen ari den irudi-plataforma horrek mundu osoan sustatzen ditu uharteak.

Mapak nahiz lana sortzea

Federicok Shamymu Yassin ezagutu zuenean, dron-pilotu izateko asmoa zuen ikasle bat zen Shamymu. Zanzibarren etorkizuna hobetzeko konpromisoari eutsiz, Shamymuk WT360-ko taldeari Street View-ren teknologia irakasteko eskatu zion. Hala, zer kamera erabili behar zuen ikasi zuen, argazkiak nola atera, eta haiek Google Maps-era nola kargatu. Laster menderatu zituen Shamymuk trebetasun horiek guztiak. Gero, argazkilari profesional egin zen, eta ogibide bihurtu zuen Zanzibarko uharteak esploratzea eta haien mapak egitea.

Federico, Shamymu eta Ibrahim Zanzibarren airetiko irudi berriak kargatzeko lanetan ari dira, eta garatutako azken eremuetan, enpresa berrietan eta berriztatutako hoteletan jartzen dute, batez ere, arreta. Eta, Zanzibarko jolas-parkea zabaldu denetik, beren misioa gero eta handiagoa da.

Erlazionatutako artikulua

Zanzibarko mapak sortzeko eta herritarrak ahalduntzeko atariko lana

Lortu informazio gehiago Zanzibarko gobernuak eta WT360-ko argazkilariek herrialdeko mapak sortzeko abiarazi zuten proiektuari buruz.

Irakurri artikulua

Zanzibarko mapak eskalan sortzea: Street View Studio-rekin datuak modu adimentsuagoan eta bizkorragoan argitaratzea

Irudien eta kameren kalitatea hobetu egin da 2019tik, eta Street View Studio kaleratu zenetik, errazagoa eta bizkorragoa da irudiak argitaratzea. Argazkilariek 360°-ko bideo bat baino gehiago karga ditzakete aldi berean, aurrerapenen jarraipena egin, kargatutako materiala tokiaren edo jatorrizko fitxategi-izenaren arabera bilatu, eta etorkizuneko bildumak antolatu mapen geruza interaktiboak erabilita.

Etorkizuna eratzea

Ikasle lokalei mapak sortzen irakasteko eta mapak sortzeko aukera emateko sortu zen Project Zanzibar eta, harrezkero, mundu osoan izan du eragina. Hiru urte hauetan, proiektuak tokiko enpresak nabarmendu ditu, eta Shamymu eta Ibrahim bezalako boluntario ohientzako lan-aukerak sortu.