விதிமுறைகள்

இந்த விதிமுறைகளில் என்ன கொடுக்கப்பட்டுள்ளது:

Googleளின் பிசினஸ் பற்றிய பொதுவான அறிமுகம், உங்களுடனான எங்கள் உறவு, இந்த விதிமுறைகளில் குறிப்பிடப்பட்டுள்ள தலைப்புகள், ஏன் இந்த விதிமுறைகள் முக்கியமானவை என்பதெல்லாம் இந்தப் பிரிவில் தெரிவிக்கப்பட்டுள்ளன.

• எதிர்காலத்தில் படிப்பதற்காக விதிமுறைகளைப் பதிவிறக்கம் செய்ய ஊக்குவிக்கும் ஒரு வாக்கியத்தைச் சேர்த்துள்ளோம். எங்கள் விதிமுறைகளின் முந்தைய பதிப்புகளும் ஆன்லைனில் கிடைக்கும்படி செய்துள்ளோம்.

Google உடனான உங்கள் தொடர்பு

Google மற்றும் அதன் பிசினஸ் பற்றிய பின்னணித் தகவல்கள் இந்தப் பிரிவில் உள்ளன.

• இந்த விதிமுறைகளின் பிற பகுதிகளில் இருக்கும் வரிகளுடன் பொருந்தும் வகையில் “அணுகல்” என்ற வார்த்தையை நாங்கள் சேர்த்துள்ளோம். எங்கள் சேவைகளை நீங்கள் பயன்படுத்தினால் மட்டுமல்ல, அவற்றை வெறுமனே அணுகினாலும் இந்த விதிமுறைகள் பொருந்தும் என்பதே இதன் பொருள்.
• ஃபிரான்ஸில் உள்ள பயனர்களுக்கு மட்டும்: ஃபிரெஞ்சு சட்டத் தேவைகளுக்கு ஏற்ப, Googleளின் பிசினஸ் எப்படிச் செயல்படுகிறது, நாங்கள் எப்படி வருமானம் ஈட்டுகிறோம் என்பது பற்றிய சில விவரங்களை நேரடியாக எங்கள் விதிமுறைகளில் சேர்த்துள்ளோம்.

எங்களிடம் இருந்து நீங்கள் என்ன எதிர்பார்க்கலாம்?

சேவைகளை மாற்றுவதற்கும் மேம்படுத்துவதற்குமான எங்கள் அணுகுமுறையை இந்தப் பிரிவு விளக்கும்.

• Google சாதனத்திற்கான மற்றொரு உதாரணமாக Pixelலைச் சேர்த்துள்ளோம்.
• ஃபிரான்ஸில் உள்ள பயனர்களுக்கு மட்டும்: ஃபிரெஞ்சுச் சட்டத் தேவைகளுக்கு ஏற்ப, எங்கள் டிஜிட்டல் உள்ளடக்கம் அல்லது சேவைகளில் செய்யக்கூடிய மாற்றங்கள் மட்டுமல்லாமல் எங்கள் பொருட்கள் மற்றும் நாங்கள் வழங்கும் அறிவிப்பில் செய்யக்கூடிய மாற்றங்களும் எப்படியான சூழல்களில் செய்யப்படக்கூடும் என்பதைத் தெளிவுபடுத்தியுள்ளோம்.

உங்களிடமிருந்து என்ன எதிர்பார்க்கிறோம்?

Google சேவைகளைப் பயன்படுத்த நீங்கள் தேர்வுசெய்திருந்தால் உங்கள் பொறுப்புகளை இந்தப் பிரிவு விளக்கும்.

• இந்த விதிமுறைகளின் பிற பகுதிகளில் இருக்கும் வரிகளுடன் பொருந்தும் வகையில் “அணுகல்” என்ற வார்த்தையை நாங்கள் சேர்த்துள்ளோம். எங்கள் சேவைகளை நீங்கள் பயன்படுத்தினால் மட்டுமல்ல, அவற்றை வெறுமனே அணுகினாலும் இந்த விதிமுறைகள் பொருந்தும் என்பதே இதன் பொருள்.
• எங்கள் வெளிப்படைத் தன்மை மையத்திற்கான இணைப்பைச் சேர்த்துள்ளோம். எங்கள் தயாரிப்புக் கொள்கைகளைப் பற்றித் தெரிந்துகொள்ளவும், மீறல்களைப் புகாரளிக்கவும் அதை நீங்கள் பயன்படுத்தலாம்.
• எங்கள் கொள்கைகள் மற்றும் உதவி மையங்களுடன் சேர்த்து, எங்கள் சேவைகளுக்குள்ளாகவே வழிமுறைகளையும் எச்சரிக்கைகளையும் வழங்குகிறோம் என்பதைத் தெளிவுபடுத்தியுள்ளோம்.
• “தவறான பயன்பாடு, தீங்கிழைத்தல், குறுக்கீடு மற்றும் சிக்கல்களை ஏற்படுத்துதல்” என்பதை “எங்கள் சேவைகளைத் தவறாகப் பயன்படுத்தாதீர்கள்” என்ற புதிய பிரிவிற்கு நகர்த்தியன் மூலம் “நடத்தை விதிகள்” பிரிவை மாற்றியமைத்துள்ளோம். அந்தப் புதிய பிரிவில், நாங்கள் அனுமதிக்காத தவறான செயல்பாடுகள் தொடர்பான கூடுதல் விவரங்களை வழங்கியுள்ளோம்.

எங்கள் சேவைகளைத் தவறாகப் பயன்படுத்தாதீர்கள்

துரதிஷ்டவசமாக வெகுசிலர் எங்கள் விதிமுறைகளை மதிக்காத காரணத்தால் இந்தப் புதிய, கூடுதல் விரிவான பிரிவைச் சேர்த்துள்ளோம். எங்கள் சேவைகளைப் பயன்படுத்தும்போது அனுமதிக்கப்படாத தவறான பயன்பாடு மற்றும் குறுக்கீடு குறித்த அதிகமான உதாரணங்களையும் விவரங்களையும் வழங்குகிறோம்.

Google சேவைகளில் உள்ள உள்ளடக்கம்

இந்தப் பிரிவில், எங்கள் சேவைகளில் உள்ள உள்ளடக்கத்தின் மீது நம் ஒவ்வொருவருக்கும் இருக்கும் உரிமைகளை விவரித்துள்ளோம். இதில் உங்கள் உள்ளடக்கம், Google உள்ளடக்கம், பிற உள்ளடக்கம் ஆகியவை அடங்கும்.

• “உங்கள் உள்ளடக்கம்” என்ற பிரிவில், எங்கள் ஜெனரேட்டிவ் AI சேவைகள் உட்பட எங்களின் சேவைகள் மூலம் உருவாக்கப்படும் அசல் உள்ளடக்கத்திற்கு நாங்கள் உரிமைகோரமாட்டோம் என்று விளக்கும் புதிய வாக்கியத்தைச் சேர்த்துள்ளோம்.

Google சேவைகளில் இருக்கும் மென்பொருள்

எங்கள் சேவைகளில் நீங்கள் பார்க்கக்கூடிய மென்பொருளையும் அந்த மென்பொருளைப் பயன்படுத்துவதற்கு உங்களுக்கு வழங்கப்பட்டுள்ள அனுமதிகளையும் இந்தப் பிரிவு விளக்கும்.

• சாதனங்களில் எங்களின் சில மென்பொருட்கள் முன்கூட்டியே ஏற்றப்பட்டுள்ளதால் “பதிவிறக்கத்” தேவையில்லை. எனவே “முன்கூட்டியே ஏற்றப்பட்டது” என்ற வார்த்தையைச் சேர்த்துள்ளோம்.

சிக்கல்களோ கருத்து வேறுபாடுகளோ இருந்தால்

ஃபிரான்ஸில் உள்ள பயனர்களுக்கு மட்டும்: சட்டப்பூர்வ உத்திரவாதம்

சட்டம் உங்களுக்கு வழங்கும் உத்திரவாதங்களை இந்தப் பிரிவு சுருக்கமாக விளக்குகிறது.

• ஃபிரெஞ்சுச் சட்டத் தேவைகளுக்கு ஏற்ப, இந்தப் பிரிவில் எங்களுடைய வரிகளைச் சேர்ப்பதற்குப் பதிலாக, சட்டப்பூர்வ உத்திரவாதங்களை விவரிக்க ஃபிரெஞ்சு நுகர்வோர் நெறிமுறையில் பயன்படுத்தப்பட்டுள்ள அதே வரிகளை இப்போது காட்டுகிறோம்.

பொறுப்புகள்

வழக்குகளின்போது எங்கள் பொறுப்புகள் குறித்து இந்தப் பிரிவு விவரிக்கிறது. எந்தவொரு சட்டப்பூர்வமான உரிமைகோரலுக்காகவும் நாங்கள் ஏற்கக்கூடிய பொறுப்பு என்பது எங்களைப் பொறுத்தவரை ஓர் இழப்பாகும்.

அனைத்து பயனர்களுக்குமானவை

• தெளிவுபடுத்துவதற்காக ஒரு வாக்கியத்தை மீண்டும் எழுதியும், சில பயனர்களுக்குப் படிப்பதற்குச் சிரமமாக இருந்த ஒரு வாக்கியத்தை நீக்கியும் உள்ளோம்.
• “ஒட்டுமொத்த அலட்சியம்” என்பதற்கான பொறுப்பு இந்த விதிமுறைகளின் வரம்பின் கீழ் வராது என்பதைத் தெளிவுபடுத்தியுள்ளோம்.

வணிகப் பயனர்களுக்கும் நிறுவனங்களுக்கும் மட்டும்

• பிசினஸ் பயனர்களும் நிறுவனங்களும் Googleளுக்குச் செலுத்தும் ஈட்டுறுதி என்பது Googleளின் மீறல், அலட்சியம், வேண்டுமென்றே தவறாக நடந்துகொள்ளுதல் போன்றவற்றுக்கான பொறுப்பு அல்லது செலவிற்குப் பொருந்தாது என்பதைத் தெளிவுபடுத்தியுள்ளோம்.
• இந்தப் பிரிவில் கொடுக்கப்பட்டுள்ள பொறுப்பின் கட்டண வரம்பு, அனைத்து பயனர்களுக்கும் பிரிவில் கொடுக்கப்பட்டுள்ள வரம்பற்ற பொறுப்புகளின் பட்டியலை மீறிச் செயல்படாது என்பதையும் நாங்கள் தெளிவுபடுத்தியுள்ளோம்.

ஏதாவது சிக்கல்கள் இருந்தால் நடவடிக்கை எடுத்தல்

எங்கள் சேவைகளிலிருந்து உங்கள் உள்ளடக்கத்தை நாங்கள் எதற்காக அகற்றக்கூடும் என்பதற்கோ Google சேவைகளுக்கான உங்களின் அணுகலை எதற்காக நிறுத்தக்கூடும் என்பதற்கோ உரிய காரணங்களை இந்தப் பிரிவு விவரிக்கிறது.

• தெளிவுபடுத்துவதற்காக முதல் பத்தியை மாற்றியமைத்துள்ளோம்.
• Google சேவைகளுக்கான உங்கள் அணுகலை இடைநிறுத்துதல் அல்லது நிறுத்துதல் பிரிவில், இடைநிறுத்துவதோ நிறுத்துவதோ மட்டுமே தீர்வு அல்ல என்பதையும் நாங்கள் செயல்படுத்தக்கூடிய வேறு சட்டப்பூர்வ உரிமைகளும் எங்களுக்கு இருக்கலாம் என்பதையும் நாங்கள் தெளிவுபடுத்தியுள்ளோம்.

விலகல் குறித்த EEA வழிமுறைகள்

ஒப்பந்தத்திலிருந்து விலகிக்கொள்வதற்கான ஐரோப்பிய ஒன்றியத்தின் மாதிரி வழிமுறைகளுக்கான நகலை இந்தப் பிரிவு வழங்குகிறது.

• “மே 28, 2022” தேதி ஏற்கெனவே கடந்துவிட்டதால் அதைக் குறிப்பிட்டிருந்ததை நீக்கியுள்ளோம்.