Masharti

Mambo yanayoshughulikiwa katika sheria na masharti haya

Sehemu hii inatoa muhtasari wa jumla kuhusu biashara ya Google, uhusiano wetu nawe, mada zinazojadiliwa katika sheria na masharti haya na umuhimu wa sheria na masharti haya.

• Tumeweka sentensi ya kukuhimiza upakue sheria na masharti haya ili uweze kuyasoma baadaye. Tunahakikisha pia kuwa matoleo ya awali ya sheria na masharti yetu yanapatikana mtandaoni pia.

Uhusiano wako na Google

Sehemu hii inakupa maelezo ya msingi kuhusu Google na biashara yake.

• Tumeweka neno “ufikiaji” ili kuendana na uteuzi wa maneno katika sehemu nyingine za sheria na masharti haya. Hii inamaanisha kwamba sheria na masharti haya yanatumika iwe unatumia huduma zetu au unazifikia tu.
• Kwa watumiaji walio Ufaransa pekee: Kulingana na masharti ya sheria ya Ufaransa, tumehamishia baadhi ya maelezo kuhusu jinsi huduma za Google zinavyofanya kazi na jinsi tunavyochuma pesa moja kwa moja kwenye sheria na masharti haya.

Mambo unayoweza kutarajia kutoka kwetu

Sehemu hii inaelezea mwelekeo wetu wa kuboresha na kubadilisha huduma zetu.

• Tumeweka mfano mwingine wa kifaa cha Google, ambacho ni Pixel.
• Kwa watumiaji walio Ufaransa pekee: Kulingana na masharti ya sheria ya Ufaransa, tumebainisha hali ambazo huenda tukabadilisha si tu huduma au maudhui yetu dijitali, lakini pia bidhaa zetu, pamoja na ilani tutakayotoa.

Mambo tunayotarajia kutoka kwako

Sehemu hii inaelezea wajibu wako iwapo utachagua kutumia huduma za Google.

• Tumeweka neno “ufikiaji” ili kuendana na uteuzi wa maneno katika sehemu nyingine za sheria na masharti haya. Hii inamaanisha kwamba sheria na masharti haya yanatumika iwe unatumia huduma zetu au unazifikia tu.
• Tumeweka kiungo cha Kituo chetu cha Uwazi, ambacho ni nyenzo unayoweza kuitumia kupata maelezo kuhusu sera za bidhaa zetu na kuripoti matukio ya ukiukaji.
• Tumebainisha kwamba, mbali na sera na vituo vya usaidizi, tunatoa pia maagizo na tahadhari ndani ya huduma zetu.
• Tumerekebisha sehemu ya “kanuni za maadili” kwa kuhamishia hoja ya “matumizi mabaya, madhara, ukatizaji na usumbufu” katika sehemu mpya inayoitwa “Usitumie vibaya huduma zetu”, ambapo tunatoa maelezo zaidi kuhusu aina za shughuli mbaya ambazo haturuhusu.

Usitumie vibaya huduma zetu

Tumeweka sehemu hii mpya yenye maelezo ya kina kwa sababu, kwa bahati mbaya kuna baadhi ya watu ambao hawajakuwa wakiheshimu kanuni zetu. Tunatoa mifano na maelezo zaidi kuhusu matumizi mabaya na shughuli za ukatizaji ambazo haturuhusu unapotumia huduma zetu.

Maudhui katika huduma za Google

Katika sehemu hii, tunafafanua haki ambazo kila mmoja wetu anazo katika maudhui yaliyo kwenye huduma zetu – yakiwemo maudhui yako, maudhui ya Google na maudhui mengine.

• Katika sehemu ya “Maudhui yako”, tumeweka sentensi mpya inayofafanua kwamba hatutadai umiliki katika maudhui asili yanayozalishwa na huduma zetu, ikiwa ni pamoja na huduma zetu za AI zalishi.

Programu katika huduma za Google

Sehemu hii inaelezea programu ambayo unaweza kupata kwenye huduma zetu na inaelezea ruhusa unazopewa ili utumie programu hiyo.

• Tumeweka neno “imepakiwa mapema” kwa sababu baadhi ya programu zetu hupakiwa mapema kwenye vifaa na hazihitaji “kupakuliwa”.

Iwapo kutatokea tatizo na kutokubaliana

Kwa watumiaji walio Ufaransa pekee: Dhamana ya kisheria

Sehemu hii inatoa muhtasari wa dhamana unazopewa kisheria.

• Badala ya kutumia maneno yetu wenyewe katika sehemu hii, kulingana na masharti ya sheria ya Ufaransa, sasa tunaonyesha lugha jinsi inavyotumiwa katika Kanuni za Ufaransa kwa Watumiaji ili kufafanua dhamana za kisheria.

Dhima

Sehemu hii inafafanua dhima zetu iwapo kutatokea mizozo. Dhima ni hasara inayotokana na aina yoyote ya dai la kisheria.

Kwa watumiaji wote

• Tumeandika upya sentensi kwa sababu za ubayana na kufuta sentensi ambayo baadhi ya watumiaji hawakuielewa kwa urahisi.
• Tumebainisha kwamba sheria na masharti haya hayadhibiti dhima kutokana na “ulegevu uliokithiri”.

Kwa watumiaji wa kibiashara na mashirika pekee

• Tumebainisha kwamba fidia inayotolewa na mashirika na watumiaji wa kibiashara kwa Google haitatumika kwa kiwango ambapo dhima au gharama imesababishwa na ukiukaji, ulegevu au matendo yasiyofaa ya kimakusudi ya Google.
• Tumebainisha pia kwamba kikomo cha kifedha kwa dhima katika sehemu hii hakibatilishi orodha ya dhima bila kikomo katika sehemu ya Kwa watumiaji wote.

Kuchukua hatua iwapo matatizo yatatokea

Sehemu hii inaelezea sababu zinazoweza kufanya tuondoe maudhui yako kwenye huduma zetu au tusitishe uwezo wako wa kufikia huduma za Google.

• Tumerekebisha aya ya kwanza kwa sababu za ubayana.
• Katika sehemu ya Kusimamisha au kukomesha uwezo wako wa kufikia huduma za Google, tumebainisha kwamba usimamishaji au ukomeshaji huo si suluhu zetu za pekee na kwamba tunaweza kuwa na haki nyingine za kisheria tunazoweza kuzitekeleza.

Maagizo ya EEA kuhusu kujiondoa

Sehemu hii inakupa nakala ya Maagizo ya Kujiondoa yaliyo katika Kielelezo cha Umoja wa Ulaya.

• Tumefuta marejeleo ya “tarehe 28 Mei 2022” kwa sababu tarehe hiyo tayari imepita.