நாம் சேகரிக்கும் தரவை Google தக்கவைத்துக்கொள்ளும் முறை

நீங்கள் Google சேவைகளைப் பயன்படுத்தும் போது, தரவைச் சேமிக்கிறோம். நாங்கள் என்ன சேகரிக்கிறோம், ஏன் அதைச் சேகரிக்கிறோம் மற்றும் உங்கள் தகவலை நீங்கள் எப்படி நிர்வக்கிக்கலாம் போன்றவை எங்கள் தனியுரிமைக் கொள்கையில் விளக்கப்பட்டுள்ளன. ஏன் வெவ்வேறு காலகட்டங்களுக்கான பல்வேறு வகையான தரவுகளை வைத்திருக்கிறோம் என்பதை, இந்தத் தக்கவைத்தல் கொள்கையானது விவரிக்கிறது.

சில தரவை நீங்கள் விரும்பும் போது நீக்கலாம், சில தரவு தானாகவே நீக்கப்படும், சில தரவைத் தேவைப்படும் போது நீண்டகாலத்திற்கு தக்கவைத்துக் கொள்வோம். நீங்கள் தரவை நீக்கும் போது, உங்கள் தரவு பாதுகாப்பாகவும் முழுமையாகவும் எங்கள் சேவையகங்களில் இருந்து அகற்றப்படுவதை அல்லது அடையாளைங்காண முடியாத வடிவத்தில் தக்கவைக்கப்படுவதை உறுதிப்படுத்த, நீக்கக் கொள்கையைப் பின்பற்றுவோம். தரவை அடையாளங்காண முடியாததாக Google எப்படி மாற்றுகிறது

நீங்கள் அகற்றும் வரை தகவலானது தக்கவைக்கப்படும்

உங்கள் Google கணக்கில் சேமிக்கப்படும் தரவைச் சரிசெய்யவோ அல்லது நீக்கவோ உங்களை அனுமதிக்கும் பல்வேறு சேவைகளை வழங்குகிறோம். எடுத்துக்காட்டாக, நீங்கள் பின்வருபவற்றைச் செய்யலாம்:

• உங்கள் தனிப்பட்ட தகவலைத் திருத்தலாம்
• எனது செயல்பாடு என்பதில் உள்ள உருப்படிகளை நீக்கலாம்
• படங்கள் மற்றும் ஆவணங்கள் போன்ற உள்ளடக்கத்தை நீக்கலாம்
• உங்கள் Google கணக்கிலிருந்து தயாரிப்பை அகற்றலாம்
• முழுவதுமாக உங்கள் Google கணக்கை நீக்கலாம்

இந்தத் தரவை அகற்றுவதற்கு நீங்கள் தேர்வுசெய்யும் வரை, இதை உங்கள் Google கணக்கில் வைத்திருப்போம். மேலும், Google கணக்கில் உள்நுழையாமல் எங்கள் சேவைகளைப் பயன்படுத்தினால், எங்கள் சேவைகளை அணுகுவதற்கு நீங்கள் பயன்படுத்திய சாதனம், உலாவி அல்லது பயன்பாடு போன்றவற்றுடன் இணைக்கப்பட்ட சில தகவல்களை நீக்குவதற்கான திறனையும் உங்களுக்கு வழங்குவோம்.

குறிப்பிட்ட காலத்திற்குப் பிறகு காலாவதியாகும் தரவு

சில நேரங்களில், தரவை நீக்குவதற்கான வழியை வழங்குவதற்கு மாறாக, முன்னரே தீர்மானிக்கப்பட்ட காலத்திற்கு அதைச் சேமிப்போம். ஒவ்வொரு தரவு வகைக்கும், அதைச் சேகரிப்பதற்கான காரணத்தின் அடிப்படையில் காலவரையை அமைக்கிறோம். எடுத்துக்காட்டாக, பல்வேறு வகையான சாதனங்களில் எங்கள் சேவைகள் சரியாகக் காட்டப்படுவதை உறுதிசெய்ய, உலாவியின் அகலத்தையும் உயரத்தையும் 9 மாதங்கள் வரை நாங்கள் தக்கவைத்திருக்கக்கூடும். அமைக்கப்பட்ட காலகட்டங்களில் இருக்கும் குறிப்பிட்ட தரவை அடையாளங்காண முடியாததாக அல்லது அடையாளம் திரிக்கப்பட்டதாக மாற்றுவதற்கான நடவடிக்கைகளையும் எடுக்கிறோம். எடுத்துக்காட்டாக, IP முகவரியின் பகுதியை 9 மாதங்கள் கழித்தும் குக்கீ தகவலை 18 மாதங்கள் கழித்தும் அகற்றுவதன் மூலம், சேவையகப் பதிவுகளில் உள்ள விளம்பரத் தரவை அடையாளங்காண முடியாததாக மாற்றுகிறோம். பயனர்களின் Google கணக்குகளிலிருந்து இணைப்பு நீக்கப்பட்டிருக்கக்கூடிய வினவல்களைப் போன்ற, அடையாளம் திரித்துச் செயலாக்கப்பட்ட தரவுகளையும் குறிப்பிட்ட காலத்திற்கு நாங்கள் தக்கவைத்திருக்கக்கூடும்.

உங்கள் Google கணக்கு நீக்கப்படும் வரை, தகவலானது தக்கவைக்கப்படும்

பயனர்கள் எங்கள் அம்சங்களை எவ்வாறு பயன்படுத்துகின்றனர் என்றும் எங்கள் சேவைகளை எவ்வாறு மேம்படுத்தலாம் என்றும் நாங்கள் புரிந்துகொள்ள உதவும் வகையில் சில தரவு பயனுள்ளதாக இருந்தால், உங்கள் Google கணக்கின் ஆயுட்காலம் முழுவதும் அதை அப்படியே வைத்திருப்போம். எடுத்துக்காட்டாக, Google Mapsஸில் நீங்கள் தேடிய முகவரியை நீக்கினாலும் 'வழிகள்' அம்சத்தின் மூலம் நீங்கள் தேடினீர்கள் என்பதை உங்கள் கணக்கு சேமிக்கக்கூடும். அதனால் எதிர்காலத்தில் 'வழிகள்' அம்சத்தை எப்படிப் பயன்படுத்துவது என்பதை Google Maps உங்களுக்குக் காட்டாமல் இருக்கலாம்.

வரையறுக்கப்பட்ட நோக்கங்களுக்காக, தகவலானது நீண்டகாலத்திற்குத் தக்கவைத்துக்கொள்ளப்படும்

சில நேரங்களில், வணிக மற்றும் சட்டப்பூர்வத் தேவைகள், குறிப்பிட்ட தகவலை நீண்டகாலத்திற்குத் தக்கவைத்துக்கொள்ள எங்களைக் கட்டாயப்படுத்துகிறது. எடுத்துக்காட்டாக, Google உங்களுக்காக பேமன்ட்டைச் செயல்படுத்தும்போதோ அல்லது நீங்கள் Googleக்குப் பணம் செலுத்தும்போதோ, வரி மற்றும் கணக்கிடல் நோக்கங்களுக்காகத் தேவைப்படுவதால், இந்தத் தரவை நீண்டகாலத்திற்குத் தக்கவைத்திருப்போம். சில தரவை நாங்கள் தக்கவைத்துக்கொள்ளக்கூடியதற்கான காரணங்கள்:

• பாதுகாப்பு, மோசடி & முறைகேடுத் தடுப்பு
• நிதி தொடர்பான பதிவுசெய்தல்
• சட்டப்பூர்வ அல்லது ஒழுங்குமுறைத் தேவைகளுடன் இணங்குதல்
• எங்கள் சேவைகளின் தொடர்ச்சியை உறுதிசெய்தல்
• Google உடனான நேரடித் தகவல்தொடர்புகள்

பாதுகாப்பான மற்றும் முழுமையான நீக்குதலை இயக்குதல்

உங்கள் Google கணக்கில் உள்ள தரவை நீக்கும் போது, தயாரிப்பில் இருந்தும் எங்கள் அமைப்புகளில் இருந்தும் அதை அகற்றுவதற்கான செயல்பாட்டை உடனடியாகத் தொடங்குவோம். முதலில், அதைப் பார்வையிலிருந்து உடனடியாக அகற்றுவோம், மேலும் அந்தத் தரவை இனி உங்கள் Google அனுபவத்தைத் தனிப்பயனாக்குவதற்குப் பயன்படுத்த முடியாது. எடுத்துக்காட்டாக, "எனது செயல்பாடு" டாஷ்போர்டிலிருந்து நீங்கள் பார்த்த வீடியோவை நீக்கினால், அந்த வீடியோவிற்கான உங்கள் பார்வைச் செயல்நிலையைக் காட்டுவதை YouTube உடனடியாக நிறுத்தும்.

பிறகு, எங்கள் சேமிப்பு அமைப்புகளில் இருந்து தரவைப் பாதுகாப்பாகவும் முழுமையாகவும் நீக்குவதற்கான செயல்பாட்டைத் தொடங்குவோம். எதிர்பாராத தரவு இழப்பிலிருந்து பயனர்களையும் வாடிக்கையாளர்களையும் பாதுகாக்க, பாதுகாப்பான நீக்கம் முக்கியமானதாகும். எங்கள் சேவையகத்திலிருந்து தரவை முழுமையாக நீக்குவது என்பது, பயனரின் மன அமைதிக்குச் சமமாக முக்கியமானதாகும். வழக்கமாக இந்தச் செயல்பாட்டிற்கு, நீக்கப்பட்ட நேரத்தில் இருந்து 2 மாதங்கள் ஆகும். ஒருவேளை தரவானது தற்செயலாக அகற்றப்பட்டால், ஒரு மாதம் வரையிலான மீட்புக் காலமும் இதில் அடங்கும்.

தரவு நீக்கப்பட்ட ஒவ்வொரு Google சேமிப்பக அமைப்பும், பாதுகாப்பான மற்றும் முழுமையான நீக்கத்திற்கு, அதற்கென்று விரிவான செயல்பாட்டைக் கொண்டுள்ளது. எல்லாத் தரவும் நீக்கப்பட்டுள்ளது என்பதை உறுதிசெய்வதற்கான அமைப்பின் வழியே தொடர்ச்சியாகக் கடந்து செல்லுதல்கள் அல்லது தவறுகளில் இருந்து மீட்டெடுப்பதற்கு அனுமதிப்பதற்கான சிறிய தாமதங்கள் ஆகியவை இதில் அடங்கலாம். விளைவாக, தரவைப் பாதுகாப்பாகவும் முழுமையாகவும் நீக்குவதற்குக் கூடுதல் நேரம் தேவைப்படும் போது, நீக்குவதற்கு அதிக நேரம் எடுத்துக்கொள்ளும்.

எங்கள் சேவைகள், என்க்ரிப்ட் செய்த காப்புப் பிரதிச் சேமிப்பகத்தை, சாத்தியமுள்ள ஆபத்துகளில் இருந்து மீட்டெடுக்க உதவுவதற்கான மற்றொரு பாதுகாப்பு அடுக்காகப் பயன்படுத்துகின்றன. இந்த அமைப்புகளில் தரவுகள் 6 மாதங்கள் வரை அப்படியே இருக்க முடியும்.

எந்த நீக்குதல் செயல்பாட்டையும் போலவே, வழக்கமான பராமரிப்பு, எதிர்பாராத தடங்கல்கள், பிழைகள் அல்லது எங்கள் நெறிமுறைகளின் தோல்விகள் மூலம், இந்தக் கட்டுரையில் விளக்கப்பட்ட செயல்பாடுகள் மற்றும் காலவரைகளில் தாமதங்கள் ஏற்படக்கூடும். அதுபோன்ற சிக்கல்களைக் கண்டறியவும் தீர்க்கவும் வடிவமைக்கப்பட்ட அமைப்புகளை நாங்கள் பராமரித்து வருகிறோம்.