ຕົວຂະຫຍາຍສຽງ

ຕົວຂະຫຍາຍສຽງຈະເຮັດໃຫ້ການສົນທະນາໃນທຸກໆມື້ ແລະ ສຽງອ້ອມຕົວເຂົ້າເຖິງໄດ້ຫຼາຍຂຶ້ນໃນກຸ່ມຜູ້ທີ່ມີບັນຫາໃນການໄດ້ຍິນ, ໂດຍໃຊ້ພຽງໂທລະສັບ Android ຂອງທ່ານ ແລະ ຫູຟັງຄູ່ໜຶ່ງ. ໃຊ້ຕົວຂະຫຍາຍສຽງເພື່ອກັ່ນຕອງ, ເພີ່ມ ແລະ ຂະຫຍາຍສຽງອ້ອມຕົວທ່ານ ແລະ ຢູ່ອຸປະກອນຂອງທ່ານ.

ຄຸນສົມບັດ
• ຫຼຸດສຽງລົບກວນທີ່ບໍ່ຕ້ອງການເພື່ອຟັງສຽງເວົ້າໄດ້ແຈ້ງຂຶ້ນ.
• ເນັ້ນໃສ່ສຽງຂອງຜູ້ເວົ້າໃນສະພາບແວດລ້ອມທີ່ມີສຽງລົບກວນດ້ວຍໂໝດການສົນທະນາ. (ສາມາດໃຊ້ໄດ້ກັບ Pixel 3 ຂຶ້ນໄປ.)
• ຟັງການສົນທະນາ, ໂທລະທັດ ແລະ ການບັນຍາຍຕ່າງໆ. ສຳລັບແຫຼ່ງທີ່ມາສຽງທີ່ຢູ່ໄກອອກໄປ, ລະບົບແນະນຳໃຫ້ໃຊ້ຫູຟັງ Bluetooth. (ຫູຟັງ Bluetooth ອາດມີການສົ່ງຂໍ້ມູນສຽງຫຼ້າຊ້າໄດ້.)
• ປັບແຕ່ງປະສົບການໃນການຟັງຂອງທ່ານເປັນແບບສ່ວນຕົວສຳລັບການສົນທະນາອ້ອມຂ້າງ ຫຼື ການຫຼິ້ນມີເດຍຢູ່ອຸປະກອນຂອງທ່ານ. ທ່ານສາມາດຫຼຸດສຽງລົບກວນ ຫຼື ເພີ່ມສຽງຄວາມຖີ່ຕ່ຳ, ຄວາມຖີ່ສູງ ຫຼື ສຽງງຽບໄດ້. ຕັ້ງການຕັ້ງຄ່າສຳລັບຫູຟັງທັງສອງຂ້າງຂອງທ່ານ ຫຼື ແຍກກັນສຳລັບຫູຟັງແຕ່ລະຂ້າງ.
• ເປີດ ຫຼື ປິດຕົວຂະຫຍາຍສຽງໂດຍໃຊ້ປຸ່ມການຊ່ວຍເຂົ້າເຖິງ, ທ່າທາງ ຫຼື ການຕັ້ງຄ່າດ່ວນ. ສຶກສາເພີ່ມເຕີມກ່ຽວກັບປຸ່ມການຊ່ວຍເຂົ້າເຖິງ, ທ່າທາງ ແລະ ການຕັ້ງຄ່າດ່ວນ: https://support.google.com/accessibility/android/answer/7650693

ຄວາມຕ້ອງການ
• ສາມາດໃຊ້ໄດ້ກັບ Android 8.1 ຂຶ້ນໄປ.
• ຈັບຄູ່ອຸປະກອນ Android ຂອງທ່ານກັບຫູຟັງ.
• ຕອນນີ້ສາມາດໃຊ້ໂໝດການສົນທະນາໄດ້ຢູ່ Pixel 3 ຂຶ້ນໄປ.

ທ່ານສາມາດສົ່ງຄຳຕິຊົມກ່ຽວກັບຕົວຂະຫຍາຍສຽງຂອງທ່ານໃຫ້ພວກເຮົາໄດ້ໂດຍການສົ່ງອີເມວໄປ: sound-amplifier-help@google.com. ສຳລັບຄວາມຊ່ວຍເຫຼືອໃນການໃຊ້ຕົວຂະຫຍາຍສຽງ, ກະລຸນາຕິດຕໍ່ຫາກພວກເຮົາຢູ່ https://g.co/disabilitysupport.

ປະກາດການອະນຸຍາດ
• ໄມໂຄຣໂຟນ: ສິດເຂົ້າເຖິງໄມໂຄຣໂຟນຈະເຮັດໃຫ້ຕົວຂະຫຍາຍສຽງສາມາດປະມວນຜົນສຽງສຳລັບການຂະຫຍາຍ ແລະ ການກັ່ນຕອງໄດ້. ຈະບໍ່ມີການເກັບກຳ ຫຼື ຈັດເກັບຂໍ້ມູນ.
• ບໍລິການການຊ່ວຍເຂົ້າເຖິງ: ເນື່ອງຈາກແອັບນີ້ເປັນບໍລິການການຊ່ວຍເຂົ້າເຖິງ, ມັນຈຶ່ງສາມາດສັງເກດການກະທຳຂອງທ່ານ, ດຶງເນື້ອຫາໜ້າຈໍ ແລະ ສັງເກດຂໍ້ຄວາມທີ່ທ່ານພິມໄດ້.