Google Fotos

Google Fotos é o lugar onde se gardan e organizan automaticamente todas as túas fotos e vídeos. Deste xeito, resultarache máis fácil compartilos.

- O mellor produto de fotos da Terra (The Verge)

- Google Fotos é a nova aplicación de fotos imprescindible (Wired)



A aplicación oficial Google Fotos adáptase ao modo actual de tirar fotos e dispón de funcións esenciais: álbums compartidos, creacións automáticas e un paquete de edición avanzada. Todas as Contas de Google inclúen 15 GB de almacenamento. Ademais, tes a posibilidade de escoller se queres facer copias de seguranza automáticas de todas as fotos e vídeos en alta calidade ou en calidade orixinal. Accede ao teu contido desde calquera dispositivo conectado e en photos.google.com.



A aplicación oficial ofréceche:



15 GB DE ALMACENAMENTO: Contarás con 15 GB para facer copias de seguranza das fotos e dos vídeos. Poderás acceder a elas desde calquera dispositivo e en photos.google.com. As fotos estarán seguras e protexidas, e serán privadas. As fotos e os vídeos dos que fixeses copias de seguranza en alta calidade antes do 1 de xuño de 2021 non ocuparán espazo de almacenamento da túa Conta de Google.



OPCIÓN DE LIBERAR ESPAZO: Non volverás quedar sen espazo no teléfono. Cun simple toque poderás quitar do dispositivo as fotos das que xa teñas unha copia de seguranza.



CREACIÓNS AUTOMÁTICAS: As películas, colaxes, animacións e panorámicas creadas automaticamente farán que as túas fotos cobren vida. Se o prefires, poderás crealas pola túa conta facilmente.



PAQUETE DE EDICIÓN AVANZADA: Transforma as fotos cun toque. As ferramentas de edición de fotos, potentes e moi fáciles de usar, permitiranche aplicar filtros de contido intelixentes ou axustes de luz, entre outras moitas opcións.



SUXESTIÓNS DE USO COMPARTIDO: Coas suxestións intelixentes de uso compartido, enviarlles ás amizades as fotos que tirases delas será coser e cantar. E como elas tamén poderán engadir as súas, por fin terás as fotos nas que saias.



BUSCA RÁPIDA E POTENTE: Poderás buscar fotos polas persoas, lugares e cousas que aparezan nelas, sen necesidade de usar etiquetas.



ÁLBUMS EN TEMPO REAL: Escolle as persoas e as mascotas que queiras ver, e Google Fotos engadirá automaticamente fotos delas segundo as fagas, sen actualizacións manuais*.



LIBROS DE FOTOS: Crea libros de fotos en só uns minutos co teléfono ou ordenador. Poderás ver suxestións de libros de fotos coas túas mellores fotos dunha viaxe ou período*.



GOOGLE LENS: Cústache describir algo? Usa a súa foto para buscalo ou levar a cabo outras accións. Copia e traduce texto, identifica plantas e animais, engade eventos ao calendario, busca produtos en liña e moito máis.



ENVÍO INSTANTÁNEO DE FOTOS: Comparte fotos ao instante con calquera contacto, correo electrónico ou número de teléfono.



MEDIATECAS COMPARTIDAS: Permite que unha persoa de confianza acceda ás túas fotos.



Se queres ampliar o almacenamento da túa Conta de Google para gardar fotos e vídeos en calidade orixinal, subscríbete a Google One. Hai subscricións desde 1,99 $ ao mes por 100 GB nos EUA. As tarifas e a dispoñibilidade dos plans varían segundo a rexión.

- Condicións de servizo de Google One: https://one.google.com/terms-of-service

- Tarifas de Google One: https://one.google.com/about



Se tes algunha dúbida, atoparás máis información en https://support.google.com/photos



Google Fotos tamén pode usarse con Wear OS no Google Pixel Watch. Leva as túas fotos favoritas na esfera do reloxo.



*O agrupamento facial, os álbums en tempo real e os libros de fotos non están dispoñibles en todos os países.