Gmailની પ્રોગ્રામ પૉલિસી

નીચે આપેલી પ્રોગ્રામ પૉલિસી Gmail પર લાગુ થાય છે. આ નીતિઓ Gmailનો ઉપયોગ કરનાર દરેક વ્યક્તિ માટે સકારાત્મક અનુભવ જાળવવામાં મહત્ત્વની ભૂમિકા ભજવે છે.

જો તમે ઉપભોક્તા (દા.ત., @gmail.com) એકાઉન્ટવાળા Gmailનો ઉપયોગ કરતા હોય, તો વધુ માહિતી માટે Googleની સેવાની શરતોનો સંદર્ભ પણ લો. જો તમે કાર્યાલય, સ્કૂલ અથવા અન્ય સંસ્થા મારફતે કોઈ એકાઉન્ટનો ઉપયોગ કરી રહ્યાં હોય, તો તમારી સંસ્થાના Google સાથેના કરાર અથવા અન્ય નીતિઓના આધારે શરતો લાગુ થઈ શકે છે. તમારા વ્યવસ્થાપક કદાચ વધુ માહિતી આપી શકશે.

આ સેવા પ્રદાન કરવા માટેની અમારી ક્ષમતાઓને જોખમમાં નાખતા દુરુપયોગો પર અમારે અંકુશ લાદવાની જરૂર છે અને આ લક્ષ્યને હાંસલ કરવામાં અમારી સહાય કરવા માટે અમે દરેક વ્યક્તિને નીચે આપેલી નીતિઓનો અમલ કરવા માટે કહીએ છીએ. અમને સંભવિત નીતિ ઉલ્લંઘનની સૂચના આપવામાં આવે, ત્યારબાદ અમે કન્ટેન્ટનો રિવ્યૂ કરીને પગલાં લઈ શકીએ છીએ જેમાં વપરાશકર્તાનો Google પ્રોડક્ટનો ઍક્સેસ મર્યાદિત અથવા સમાપ્ત કરવાનો સમાવેશ થાય છે. જો તમારું એકાઉન્ટ બંધ કરવામાં આવ્યું હોય અને તમને લાગે કે આ ભૂલથી થયું છે, તો કૃપા કરીને આ પેજ પર આપેલી સૂચનાઓને અનુસરો.

સ્ટોરેજ કોટાની મર્યાદાઓને વટાવતા એકાઉન્ટ પર અમે પગલાં લઈ શકીએ છીએ. ઉદાહરણ તરીકે, જો તમે તમારા સ્ટોરેજ કોટાને વટાવો, તો અમે સંદેશા મોકલવા અથવા પ્રાપ્ત કરવાની સુવિધા પ્રતિબંધિત કરી શકીએ છીએ. જો તમે તમારો સ્ટોરેજ ખાલી કરવામાં અથવા વધારાનો પર્યાપ્ત સ્ટોરેજ મેળવવામાં નિષ્ફળ થાઓ છો, તો અમે તમારા એકાઉન્ટમાંથી કન્ટેન્ટ ડિલીટ કરી શકીએ છીએ. સ્ટોરેજ કોટા વિશે અહીં વધુ વાંચો.

આ નીતિઓમાં ફેરફાર થઈ શકે છે, તેથી સમય સમય પર ચેક કરતા રહેવાની ખાતરી કરો.

દુરૂપયોગની જાણ કરો

જો તમને લાગે કે એકાઉન્ટ દ્વારા અમારી પ્રોગ્રામ પૉલિસીનું ઉલ્લંઘન થયું છે, તો તેની જાણ કરવાની ઘણી રીતો છે:

સામાન્ય દુરુપયોગ માટે આ ફોર્મ
બાળકોને અવપ્રેરિત કરવા માટે આ ફોર્મ
કૉપિરાઇટનાં ઉલ્લંઘનો માટે આ ફોર્મ

અમે અયોગ્ય વર્તણૂકની વ્યાખ્યા કેવી રીતે કરીએ છીએ તે સમજવા માટે નીચે આપેલી નીતિઓ વાંચવાની ખાતરી કરો. આ નીતિઓનું ઉલ્લંઘન કરતા હોવાનું જણાય તેવા એકાઉન્ટને Google બંધ કરી શકે છે. જો તમારું એકાઉન્ટ બંધ કરવામાં આવ્યું હોય અને તમને લાગે કે આ ભૂલથી થયું છે, તો કૃપા કરીને આ પેજ પર આપેલી સૂચનાઓને અનુસરો.

એકાઉન્ટની નિષ્ક્રિયતા

સક્રિય રહેવા માટે પ્રોડક્ટનો ઉપયોગ કરો. પ્રવૃત્તિમાં ઓછામાં ઓછા દર 2 વર્ષે પ્રોડક્ટ અથવા તેના કન્ટેન્ટને ઍક્સેસ કરવાનો સમાવેશ થાય છે. અમે નિષ્ક્રિય એકાઉન્ટ પર પગલાં લઈ શકીએ છીએ, જેમાં પ્રોડક્ટમાંથી તમારા સંદેશા ડિલીટ કરવાનો સમાવેશ હોઈ શકે. અહીં વધુ વાંચો.

સ્પામ અને બલ્ક મેઇલ

સ્પામ અથવા અનપેક્ષિત વ્યાવસાયિક મેઇલ વિતરિત કરવા માટે Gmailનો ઉપયોગ કરશો નહીં.

ખાસ કરીને, તમને CAN-SPA અધિનિયમ અથવા અન્ય સ્પામ-વિરોધી કાયદાનું ઉલ્લંઘન કરીને ઇમેઇલ મોકલવા; ખુલ્લા, ત્રીજા પક્ષ સર્વર મારફતે અનધિકૃત ઇમેઇલ મોકલવા અથવા કોઈપણ વ્યક્તિને તેમની સંમતિ વિના ઇમેઇલ ઍડ્રેસ વિતરિત કરવા માટે Gmailનો ઉપયોગ કરવાની મંજૂરી આપવામાં આવતી નથી.

તમને Gmail ઇન્ટરફેસને ઑટોમૅટિક રીતે ચલાવવાની કે વપરાશકર્તાઓને ગેરમાર્ગે દોરતા કે છેતરતા ઇમેઇલ મોકલવા, ડિલીટ કરવા અથવા ફિલ્ટર કરવાની મંજૂરી આપવામાં આવતી નથી.

કૃપા કરીને ધ્યાનમાં રાખો કે “અનપેક્ષિત" અથવા "અનિચ્છનીય" મેઇલની તમારી વ્યાખ્યા, તમારા ઇમેઇલના પ્રાપ્તકર્તાઓની દૃષ્ટિએ અલગ હોઈ શકે છે. મોટી સંખ્યામાં પ્રાપ્તકર્તાઓને ઇમેઇલ મોકલતી વખતે વિવેકબુદ્ધિનો ઉપયોગ કરો, પછી ભલેને તમારા ઇમેઇલ પ્રાપ્ત કરવા માટે પ્રાપ્તકર્તાઓ ભૂતકાળમાં ચૂંટેલા હોય. જ્યારે Gmail વપરાશકર્તાઓ ઇમેઇલને સ્પામ તરીકે ચિહ્નિત કરે છે, ત્યારે તે તમે મોકલો છો તે ભાવિ સંદેશાને પણ અમારી દુરુપયોગ-વિરોધી સિસ્ટમ દ્વારા સ્પામ તરીકે વર્ગીકૃત કરવામાં આવશે તેની શક્યતાને વધારી દે છે.

એકથી વધુ Gmail એકાઉન્ટ બનાવો અને તેનો ઉપયોગ કરો

Googleની નીતિઓનો દુરુપયોગ કરવા, Gmail એકાઉન્ટની મર્યાદાઓથી બચવા, ફિલ્ટર સાથે છેતરપીંડી કરવા અથવા અન્યથા તમારા એકાઉન્ટ પર લગાવેલા પ્રતિબંધોને દૂર કરવા માટે એકથી વધુ એકાઉન્ટ બનાવવા કે ઉપયોગમાં લેવા નહીં. (ઉદાહરણ તરીકે, દુરુપયોગને લીધે જો તમને બીજા વપરાશકર્તા દ્વારા બ્લૉક કરવામાં આવ્યાં હોય અથવા તો તમારું Gmail એકાઉન્ટ બંધ કરવામાં આવ્યું હોય, તો તેની બદલીમાં બીજું કોઈ એકાઉન્ટ બનાવશો નહી કે જે આના જેવી પ્રવૃત્તિમાં જોડાતું હોય.)

તમને ઑટોમૅટિક રીતે ચાલતા માધ્યમો દ્વારા Gmail એકાઉન્ટ બનાવવાની અથવા અન્ય લોકોથી Gmail એકાઉન્ટ ખરીદવા, તેમને વેચવા, તેનો વેપાર કરવા કે ફરી વેચવાની મંજૂરી પણ નથી.

માલવેર

વાયરસ, માલવેર, વર્મ્સ, ખામીઓ, ટ્રોજન હોર્સ, દૂષિત ફાઇલો અથવા વિનાશક કે ભ્રામક પ્રકારની કોઈપણ અન્ય આઇટમને મોકલવા માટે Gmailનો ઉપયોગ કરવો નહીં. વધુમાં, Google અથવા અન્યનાં નેટવર્ક, સર્વર અથવા અન્ય ઇન્ફ્રાસ્ટ્રક્ચરની કામગીરીને નુકસાન પહોંચાડે અથવા તેમાં વિક્ષેપ કરે તેવા કન્ટેન્ટનું વિતરણ કરવું નહીં.

કપટ, ફિશિંગ અને અન્ય ભ્રામક બાબતો

તમે બીજા વપરાશકર્તાના Gmail એકાઉન્ટને તેમની સ્પષ્ટ પરવાનગી વિના ઍક્સેસ કરી શકો નહીં.

ફિશિંગ માટે Gmailનો ઉપયોગ કરશો નહીં. સંવેદનશીલ વ્યક્તિગત ડેટા માંગવા અથવા એકત્રિત કરવાનું ટાળો, આમાં પાસવર્ડ, નાણાકીય વિગતો અને સામાજિક સુરક્ષા ક્રમાંક શામેલ છે પણ આટલા પૂરતું જ મર્યાદિત નથી.

ખોટા બહાના હેઠળ અન્ય વપરાશકર્તા પાસેથી માહિતી કઢાવવાની યુક્તિ કરવા, તેને ગેરમાર્ગે દોરવા અથવા છેતરવા માટે સંદેશા મોકલવા નહીં. આમાં છેતરવા કે ગેરમાર્ગે દોરવાના ઇરાદાથી બીજી વ્યક્તિ, કંપની અથવા એકમ હોવાનો ઢોંગ કરવાનો સમાવેશ થાય છે.

બાળ સુરક્ષા

Google બાળ શારીરિક શોષણને લગતા કન્ટેન્ટ સામે શૂન્ય સહિષ્ણુતા નીતિ ધરાવે છે. જો અમને આવા કોઈ કન્ટેન્ટની જાણ થશે, તો કાયદાની આવશ્યકતા મુજબ અમે નેશનલ સેન્ટર ફૉર મિસિંગ એન્ડ એક્સપ્લોઇટેડ ચિલ્ડ્રનને તેની જાણ કરીશું. આમાં જે કોઈ શામેલ થયા હોય તેના Gmail એકાઉન્ટ વિરુદ્ધ અમે એકાઉન્ટ સમાપ્તિ સહિતના શિસ્તભંગ માટેના પગલાં પણ લઈ શકીએ છીએ.

Gmailનો ઉપયોગ કરનારા બાળકોને અવપ્રેરિત કરવાનું Google પ્રતિબંધિત કરે છે, જેને જાતીય શોષણ માટે બાળકને તૈયાર કરવા તેમનો સંકોચ ઓછો કરવા, માનવ તસ્કરી અથવા અન્ય શોષણ માટે તેમની સાથે સંપર્ક સ્થાપિત કરવાનું લક્ષ્ય રાખતા હોય તેવા પગલાંના સેટ તરીકે વ્યાખ્યાયિત કર્યું છે.

જો તમને લાગે કે કોઈ બાળક પર દુરુપયોગ, શોષણ કે તસ્કરીનું જોખમ છે અથવા તે આનો શિકાર બન્યું છે, તો તરત જ તમારા સ્થાનિક કાયદા અમલીકરણ વિભાગનો સંપર્ક કરો.

જો તમે કાયદા અમલીકરણ વિભાગને પહેલેથી આની જાણ કરી હોવા છતાં હજી પણ તમને સહાયની જરૂર હોય અથવા તમને ચિંતા છે કે Gmailનો ઉપયોગ કરવા પર બાળક જોખમમાં મૂકાઈ રહ્યું છે અથવા મૂકાયું હતું, તો તમે આ ફોર્મનો ઉપયોગ કરીને જાણ કરી શકો છો. કૃપા કરીને યાદ રાખો કે Gmail પર હંમેશાં તમે એવી કોઈ પણ વ્યક્તિને બ્લૉક કરી શકો છે કે જેનો તમે સંપર્ક કરવા માગતા ન હો.

કૉપિરાઇટ

કૉપિરાઇટ કાયદાનો આદર કરો. પેટન્ટ, ટ્રેડમાર્ક, વ્યાપાર રહસ્ય અથવા અન્ય ખાનગી માલિકીના હકો સહિત, અન્ય લોકોના બૌદ્ધિક સંપદા હકોનું ઉલ્લંઘન કરશો નહીં. તમને બૌદ્ધિક સંપદા હકોનું ઉલ્લંઘન કરવાની કે અન્ય લોકોને આવું કરવા પ્રોત્સાહિત કે પ્રેરિત કરવાની મંજૂરી પણ આપવામાં આવતી નથી. તમે આ ફોર્મનો ઉપયોગ કરીને Googleને કૉપિરાઇટનાં ઉલ્લંઘનની જાણ કરી શકો છો.

ઉત્પીડન

અન્ય લોકોનું ઉત્પીડન કરવા, ડરાવવા અથવા ધમકાવવા માટે Gmailનો ઉપયોગ કરશો નહીં. આ ઉદ્દેશ્યો માટે Gmailનો ઉપયોગ કરતી કોઈપણ વ્યક્તિનું એકાઉન્ટ બંધ કરવામાં આવી શકે છે.

ગેરકાયદે પ્રવૃત્તિ

તેને કાયદેસર રાખો. ગેરકાનૂની પ્રવૃત્તિઓનો પ્રચાર કરવા, ગોઠવવા અથવા તેમાં શામેલ થવા માટે Gmailનો ઉપયોગ કરશો નહીં.